Saint-Nectaire (AOC) er framleiddur úr kúamjólk í Auvergne héraði í mið-Frakklandi. Af ostinum er ljúfur óþefur og bragðið er eftir því fyllt með blóma- og kryddjurtakeim. Áferð hans er í senn mjúk og þétt. Uppskriftin af Saint Nectaire er fjörgömul og er vitað til að Lúðvíg XIV hafi haft hann á borðum sínum! Osturinn er látinn þroskast á rúgstrá mottum í kalksteinahellum í 3-8 vikur. Þar er skorpan reglulega burstuð með saltvatni til að fá hina fullkomnu áferð. Árið 1979 hlaut Saint-Nectaire hið virta AOC merki sem gefur ostinum upprunavottorð en með því fær nafn og framleiðsla ostsins vernd.  Saint-Nectaire fullkomnar ostabakkann og hann er einnig hægt að bræða á hinu svissneska Raclett grilli.