Ostaskólinn fer í sumarfrí—eitt námskeið eftir!

Wed, 18 Apr 2012 08:31:08 -0400

Ostaást 101 - grunn námskeiðið okkar verður haldið þriðjudaginn 24. apríl. Þetta er síðasta námskeiðið okkar áður en við förum í sumarfrí.

Ostaskólinn hefst svo aftur í september með fjölbreytri og skemmtilegri dagskrá.

Ný ostanámskeið í apríl!

Fri, 30 Mar 2012 01:30:22 -0400

Ostaskólinn bætir við tveimur nýjum námskeiðum í apríl: Rauðkíttsrúlleta og Ítalskt ostaævintýri ásamt ítölskum vínum.

Nánar upplýsingar á síðu Ostaskólans.

Raggi Reggiano

Thu, 29 Mar 2012 01:38:08 -0400

Hann fæddist í júli 2009 -- er orðinn virðulegur 30 mánaða gamall gimsteinn.  Parmigiano sérfræðingar deila um það hvaða árstími á heiðurinn af besta ostinum en í stuttu máli þá eru vor-ostarnir erfiðastir þar sem þeir eru oft mjög þurrir í áferð og þótt þeir séu oft með skemmtilega sæta tóna þá eru þeir mjög misjafnir og óáreiðanlegir. Haust-ostarnir eru mjög eftirsóttir þar sem þeir eru fituhærri og gefa kremaða munnfyllingu með langt eftirbragð; sérstaklega góðir til að bera fram eftir mat. Vetrar-ostarnir eru frekar fínlegir í bragði með mikla sæta ananas tóna en þeir ná ekki hinum árstiðunum i bragðfyllingu. Áður fyrr var Parmigiano einungis búinn til frá 1.april til 11. nóvember en árið 1984 varð leyfilegt að framleiða allan ársins hring. Í dag er framleiddur parmigiano á hverjum degi ársins meira að segja yfir stórhátiðirnar.  Margir vilja halda því fram að ostar sem eru framleiddir í júni og júli eru þeir bestu sem hægt er að fá. Kusurnar fá þá gras blandað með mikið af blómum og villtum jurtum. Ostarnir verða þar af leiðandi dekkri í lit (fá á sig gulltón) og hafa mikla skarpa bragðtóna sem klípa orlitið í kinnarnar. Bragðið breytist heilmíkið með tímanum, 18 mánaða gamall ostur er þéttur í áferð með vott af möndlum, grasi, soðnu grænmeti, ferskum ávöxtum. Þegar hann er kominn upp í 24 mánuði fer áferðin að verða kornóttari og bragðið minnir meira á brætt smjör, kjötsoð, valhnetur og sítrusávexti.  En svo komum við að 30 mánaða gömlum ostum eins og honum Ragga okkar. Áferðin er kornótt en ekki þurr og hann bráðnar vel í munni. Hann hefur salta kjöttóna, mikið af ristuðum hnétum, áberandi keim af nýmöluðum pípar og jafnvel smá múskat og endar svo með ljúfum sætleika sem hverfur ekki úr munninum og gerir það að verkum að maður verður að teygja sig í annan bita.  Búrverjar vilja helst bara borða þennan dásamlega ost einan og sér en ef fólk vill smá sætleika með þá er það kastaníuhunangið sem verður fyrir valinu eða þá Merlot rauðvínshlaupið okkar. Þetta er einmitt kjörinn Parmigiano í heimalagað pesto þar sem skarpleikinn í ostinum lætur ekki basil og hvitlauk yfirgnæfa sig.  Komdu í Búrið til að smakka